Baruve naa nina arasi... naa.. nina arasi !!

ತವರ ಬಂಧನವ ತೊರೆದು ,

ತಾಯ ಮಮತೆಯ ತ್ಯಜಿಸಿ,

ತಂದೆ ಒಲವ ಮರೆತು

ಬರುವೆ ನಾ ನಿನ್ನ ಹರಸಿ || ನಾ ನಿನ್ನ ಹರಸಿ ||

ನಿನ್ನ ಪ್ರೀತಿಯ ಬಯಸಿ,

ನಿನ್ನ ನಗುವ ಸಿರಿಯ ಹಂಬಲಿಸಿ,

ತೊರೆಯಲಾಗದ ಬಂದನವ ತೊರೆದು-

ಬರುವೆ ನಾ ನಿನ್ನ ಹರಸಿ || ನಾ ನಿನ್ನ ಹರಸಿ ||

ಬೆಟ್ಟದೆತ್ತರ ಕನಸ ಹೊತ್ತು,

ಪುಟ್ಟ ಮನದಿ ನಿನ್ನೆ ತುಂಬಿ,

ಲಜ್ಜೆಯೊಡನೆ ಕೊಂಚ ಭಯದಿ

ಬರುವೆ ನಾ ನಿನ್ನ ಹರಸಿ || ನಾ ನಿನ್ನ ಹರಸಿ ||

ಅಕ್ಕ - ಅಣ್ಣ ,ತಮ್ಮ - ತಂಗಿಯೆಂಬ

ಬಂಧು ಬಾಂದವ್ಯವಾ ಕಳಚಿ

ತಿಳಿದು ನೀನೆ ಎಲ್ಲವೆಂದು

ಬರುವೆ ನಾ ನಿನ್ನ ಹರಸಿ|| ನಾ ನಿನ್ನ ಹರಸಿ ||

ಅಮ್ಮ !! ಹೇಗೆ ಹೋಗಲೇ ನಾ !!

ಒಬ್ಬಳೇ ನನ್ನವರಲ್ಲದ ನನ್ನ ಮನೆಗೆ ||

ಹೇಗೆ ಒಪ್ಪುವರೆ ನನ್ನ

ನನ್ನವರು ನನ್ನ ಮನೆಯವರು ?!!

ಎದೆ ಬಿರಿಯುತಿದೆ,ನಿನ ಬಿಟ್ಟೋಗಲು

ಹೃದಯ ಅಳುತಲಿದೆ,ನಿನ ತೊರೆಯಲೂ

ಆದರೂ ಮನ ಹರಸಿದೆ ನನ್ನವನ

ಹೊರಡುವೆ ನಾ ಅವನ ಹರಸಿ || ನಾ ಅವನ ಹರಸಿ ||

ಹರಸೆ ಅಮ್ಮ ! ನಾ ಹೊರಟೆ ನನ ಮನೆಗೆ,

ಹಾಲುಂಡಿದ ಈ ತವರು ನಗುತಲಿರಲಿ ಅನುಕ್ಷಣವೂ

ಋಣತೀರಿತೇ ನಿನ ಕೈ ತುತ್ತಿನದು!!

ಹೊರಡುವೆ ನಾ - ನಿಂದು ಅವನ ಹರಸಿ || ನಾ ಅವನ ಹರಸಿ ||